BUU Qaýipsizdik keńesi atysty toqtatýǵa shaqyrdy.
Sýdandaǵy qaqtyǵys saldarynan qaza tapqandar sany 56-ǵa jetti, 595 adam zardap shekti, dep habarlaıdy Almaty-akshamy.kz QazAqparatqa silteme jasap.
Eldiń dárigerler komıtetiniń habarlaýynsha, tek Hartýmda 17 adam qaza taýyp, 302 adam jaraqat alǵan.
Buǵan deıin dárigerler 25 adam qaza taýyp, 183 adam jaralanǵanyn habarlaǵan bolatyn.
Sýdandaǵy jaǵdaı Egemendik keńesin (eldiń basqarýshy organy) basqaratyn armıa qolbasshysy Abdel Fattah ál-Býrhan men onyń keńestegi orynbasary - arnaıy kúshterdiń qolbasshysy Muhammed Hamdan Dagalo (Hamıdtı) arasyndaǵy kelispeýshilikterge baılanysty ýshyǵyp ketti. 15 sáýir kúni tańerteń Merov pen Hartýmdaǵy áskerı baza mańynda osy eki qurylym arasynda qaqtyǵystar bastaldy.
Al, BUU Qaýipsizdik keńesi atysty toqtatýǵa shaqyrdy.
«Qaýipsizdik keńesiniń músheleri taraptardy soǵys qımyldaryn dereý toqtatyp, tynyshtyqty qalpyna keltirýge jáne Sýdandaǵy qazirgi daǵdarysty sheshý úshin dıalogke qaıta oralýǵa shaqyrdy», - delingen BUU Qaýipsizdik keńesiniń senbidegi málimdemesinde.
Sonymen qatar, BUU Qaýipsizdik keńesiniń músheleri aımaqqa gýmanıtarlyq kómekke qol jetkizýdiń mańyzdylyǵyn atap ótti jáne Sýdannyń birligin, egemendigi men aýmaqtyq tutastyǵyn jaqtaıtynyn rastady.