Epısentri Qytaıda ornalasqan.
Almatylyq seısmologtar búgin úshinshi jer silkinisin tirkedi, dep habarlaıdy Almaty-akshamy.kz.
«Tótenshe jaǵdaılar mınıstrligi SOME JSHS seısmıkalyq stansıalar jelisi ókilderi 2023 jylǵy 16 sáýirde Almaty ýaqyty boıynsha saǵat 10:38-de jer silkinisi tirkeldi. Jer silkinisiniń oshaǵy qaladan ońtústik-shyǵysqa qaraı 560 shaqyrym jerde ornalasqan», - delingen habarlamada.
Jer silkinisiniń energetıkalyq klasy - 10.7. MPV magnıtýdasy - 4,2. Tereńdigi - 10 shaqyrym. Sezimtaldyq týraly aqparat joq.
Aıta keteıik, alǵashqy jer silkinisi tańǵy saǵat 07:40-ta tirkelgen. Jer silkinisiniń oshaǵy Almatydan shyǵysqa qaraı 325 shaqyrym jerde Qytaı men Qazaqstan shekarasynda ornalasqan.
Ekinshi jer silkinisi Qazaqstan aýmaǵynda Almatydan shyǵysqa qaraı 43 shaqyrym jerde boldy.
Barlyq jaǵdaıda Almaty qalasynyń turǵyndary jer asty dúmpýlerin sezbegen.