Jolda qalyp qoıǵan 20 adamnyń úsheýi - bala.
Aqtóbe oblysynda qutqarýshylar aýa raıynyń qolaısyzdyǵyna baılanysty 23 adamdy evakýasıalady. Óńirde dabyldy eskertý jarıalanǵan, dep habarlady oblystyq TJD baspasóz qyzmeti.
15 sáýirde 112 púltine Hromtaý aýdany Samara-SHymkent avtojolynyń 820 shaqyrymynda jolaýshylar mingen avtomobıl joldan shyǵyp ketip, evakýasıalaý qajet ekendigi týraly habarlama kelip tústi.
Oqıǵa ornyna jedel túrde Hromtaý aýdanynyń qutqarýshylary men jol talǵamaıtyn TREKOL qutqarý tehnıkasy jiberildi. Avarıalyq-qutqarý jumystarynyń nátıjesinde 20 adam, onyń ishinde 3 bala qutqarylyp, Hromtaý qalasy men Aqjar aýdanyna jetkizildi.
Sol kúni saǵat 23:50-de Muǵaljar aýdany Eńbek aýyldyq okrýginiń Saǵashıili aýylynyń aýmaǵynda buzylǵan jeńil avtokólikten adamdardy evakýasıalaý qajettigi týraly habarlama kelip tústi. Avarıalyq-qutqarý jumystarynyń nátıjesinde Muǵaljar aýdanynyń qutqarýshylary 3 adamdy qutqaryp, Qandyaǵash qalasyna jetkizdi.