Elimizdiń ońtústigindegi egis alqaptarynda majarstandyq tehnologıa synaqtan ótkiziledi. Sý resýrstary jáne ırrıgasıa mınıstri Nurjan Nurjigitov aýyl sharýashylyǵy alqaptaryna arnalǵan preparattar ázirleıtin majarstandyq Water&Soil kompanıasynyń ókilderimen kezdesti.
Taraptar kompanıanyń jańa ázirlemelerin Qazaqstanda qoldaný máselesin talqylady.
Atap aıtqanda, Water&Soil topyraqtaǵy ylǵaldy saqtaý úshin organıkalyq preparat ázirleıdi. Kompanıa ókilderiniń aıtýynsha, preparat sýarý kólemin 40%-ǵa azaıtýǵa múmkindik beredi jáne ósimdikterdi qurǵaq kezeńderde de ylǵalmen qamtamasyz etedi.
Kezdesý qorytyndysy boıynsha taraptar Qazaq Sý sharýashylyǵy ǵylymı-zertteý ınstıtýtynyń qatysýymen elimizdiń ońtústik óńirlerindegi sýarý alqaptarynda preparatty synaqtan ótkizýge kelisti. Sondaı-aq, Majarstannan kelgen qonaqtar Qazaqstanda óz ónimderin shyǵaratyn zaýyt ashýǵa nıet bildirdi.
«Qazaqstannyń ońtústiginde ónimdilikti tómendetpeı, sýarmaly sýdy únemdeý úshin ozyq sý únemdeý tehnologıalaryn engizý qajet. Osy maqsatta jetekshi sheteldik kompanıalarmen kelissózder júrgizilýde. Eger synaqtar sátti ótse, otandyq sharýalar tarapynan bul ázirlemege úlken suranys bolady», - dedi Sý resýrstary jáne ırrıgasıa mınıstri Nurjan Nurjigitov.