Atyraý oblysynyń Qulsary qalasynda, Soltústik Qazaqstan oblysynyń Petropavl qalasy men Qyzyljar aýdanynda sý basqan aýmaqtardan sý sorý jumystary táýlik boıy jalǵastyrylýda.
Ótken táýlikte Petropavl qalasy men Qyzyljar aýdanynda 704 úı men 219 aýla aýmaǵynan sýdyń baǵyty burylyp, sý soryldy. Barlyǵy 130 227 tekshe metr sý soryldy. Ózenderdegi sý deńgeıine monıtornıng júrgizilýde, dep habarlaıdy Almaty-akshamy.kz QR Tótenshe jaǵdaılar mınıstrligine silteme jasap
Almaty qalasy, Abaı, Qostanaı, Pavlodar oblystary TJ departamentteriniń kúshteri men quraldary sý tasqynyna qarsy jumystar júrgizý úshin Soltústik Qazaqstan oblysyna jiberildi.
Aqtóbe oblysy Yrǵyz aýdanynyń Quılys jáne Jaısańbaı aýyldarynda bógetterdi nyǵaıtý jumystary, Torǵaı ózeni sý deńgeıine saǵat saıyn monıorıng júrgizilýde. Ótken táýlikte 4 600 qapshyq pen 710 tonna ınertti materıal tóseldi.
Ótken táýlikte Tótenshe jaǵdaılar mınıstrliginiń radıasıalyq, hımıalyq jáne bıologıalyq qorǵaý bólimsheleri Soltústik Qazaqstan oblysynyń Qyzyljar aýdanynda sý basqan 97 úıde, Atyraý oblysynyń Qulsary qalasy men Jylyoı aýdanynda eki kópqabatty turǵyn úı men aýmaqtarda dezınfeksıalaý júrgizdi. Sonymen qatar Qorǵanys mınıstrliginiń áskerı bóliminiń kúshteri Batys Qazaqstan oblysynyń Oral qalasy mańyndaǵy aýmaqtarda jalpy aýdany 65,2 gektar sý basqan aýmaqtarda dezınfeksıalaý júrgizildi.
Respýblıka boıynsha 9 660 turǵyn úı men 3 213 aýla aýmaǵynan sýdyń baǵyty burylyp, sý soryldy. 16,2 mln erigen qar sýy sorldy. 50 467 adam óz úılerine oraldy. 5 447 adam ýaqytsha ornalasý pýnktterinde qalýda.
Avarıalyq-qutqarý jáne sý tasqynyna qarsy jumystarǵa 11 458 adam, 1 289 tehnıka, 329 sý sorý quraly jáne 68 júzý quraly, 6 áýe kemesi jumyldyryldy.