Otan qorǵaýshylar men Jeńis kúnin merekeleý qarsanyńda, Almaty qalasy, Almaty jáne Jetisý oblystary boıynsha QAJ departamentinde saltanatty is-shara ótti.
Ardagerlerge qurmet kórsetý QAJ salasynda dástúrge aınalǵan ıgi sharalardyń biri. İs-sharaǵa arnaıy soǵysqa qatysýshylarǵa teńestirilgen ardagerler, eńbek maıdanynyń qatysýshylary, jaýynger-ınternasıonalısteri jáne QAJ ardagerleri, sonymen qatar departamentke qarasty mekeme jáne probasıa basshylary shaqyryldy, dep habarlaıdy Almaty-akshamy.kz Polisia.kz-ke silteme jasap.
Saltanatty jıyn QR ánuranymen bastaldy. Departament bastyǵy polısıa general-maıory Qaırat Dálbekov quttyqtaý sóz sóıledi. Shaqyrylǵan ardagerlerge qurmet kórsetilip, alǵysqat pen aqshalaı syılyqtar tartý etildi.
Sonymen qatar qyzmettik mindetterin minsiz atqaryp, qol jetkizgen jetistikteri úshin Qazaqstan Respýblıkasynyń ishki ister mınıstrliginiń buıryǵymen bir qyzmetker merziminen buryn arnaıy ataǵyn alsa, bir qyzmetker arnaýly ataǵynan bir saty joǵary ataǵyn aldy. “Qylmystyq-atqarý júıesin damytýǵa qosqan úlesi úshin” medaline eki qyzmetker ıelenip, taǵy eki qyzmetker “Qylmystyq-atqarý júıesiniń úzdigi” tós belgisin aldy. Buǵan qosa İİM alǵys hatyna 1 qyzmetker, gramotasyna 5 qyzmetker ıe boldy. QAJ departamenti bastyǵynyń buıryǵymen 9 qyzmetkerler marapatqa ıe boldy.
«Qansha jyl ótse de soǵys jyldarynda eli men jerin, urpaǵynyń bolashaǵyn qorǵaǵan, Otanǵa beıbit ómirdi tartý etken, qan maıdanda ot keshken erjúrek jaýyngerlerdiń erligi umytylmaıdy. Halqymyz eliniń, jeriniń qorǵany bolǵan batyrlaryn erekshe ardaqtap, qurmet tutqan. Bul kún – erlik pen batyldyqtyń ólsheýsiz úlgisi bolǵan, otty joldarmen ótken jaýyngerler aldynda taǵzym etetin kún. Elimizde beıbitshilik pen tynyshtyq máńgi bolsyn», – dep atap ótti QAJD bastyǵy Qaırat Dálbekov.
Merekelik is-shara saltanatty konserttik baǵdarlamamen jalǵasty. Qyzmetkerler áskerı ánder oryndap, ardagerler óz kezeginde merekelik lebizderin bildirip, jastarǵa ósıet aqyldaryn aıtty.