Atyraý oblysynda Jaıyq ózeni sý deńgeıine monıtorıń jalǵastyrylýda.
Sý tasqyny jaǵdaıynyń monıtorıńi dronnyń kómegimen júzege asyrylady.Bógetterdi nyǵaıtý jumystary júrgizilip jatyr. Ótken táýlikte Inder, Mahambet, Isataı, Qurmanǵazy aýdandarynda 500-den astam km bógen salyndy. Qulsary qalasynda sý basqan aýmaqtan jyljymaly sorǵy stansıasy men motopompa kómegimen 207 myńnan astam tekshe metr sý soryldy, dep habarlaıdy Almaty-akshamy.kz QR Tótenshe jaǵdaılar mınıstrligine silteme jasap.
Respýblıka boıynsha 38 521 adam óz úılerine oraldy. 6 726 adam evakýasıalaý pýnktterinde.
Sý tasqyny bastaǵaly beri 12,9 mln astam tekshe metr erigen qar sýy soryp shyǵaryldy, 7 mln astam qapshyq jáne 1,5 mln astam tonna ınertti materıal tóseldi.
Avarıalyq-qutqarý jáne sý tasqynyna qarsy jumystarǵa 20 myńnan astam adam, 2 772 tehnıka, 335 sý sorý quraly jáne 249 júzý quraly, 7 áýe kemesi jumyldyryldy.
Buǵan deıin Almaty qalasynan, Qaraǵandy oblysynan Batys jáne Soltústik Qazaqstan oblystaryna kómekke barǵan qorǵanys mınıstrligi kúshteri men quraldarynyń bir bóligi turaqty ornalasý oryndaryna qaıtarylýda.
Qorǵanys mınıstrliginiń áskerı bóliminiń kúshteri Aqtóbe oblysynda jalpy aýdany 403 gektar sý basqan aýmaqtarda dezınfeksıalaý júrgizildi.