Esil ózeni deńgeıiniń kóterilýine baılanysty Soltústik Qazaqstan oblysy Qyzyljar aýdany Teplıchnoe aýylynyń aýdanynda turǵyn úılerdiń sý basýyn boldyrmaý úshin jaǵalaýlarda qorǵanysh biligin nyǵaıtý jumystary júrgizilýde. Qazirgi ýaqytta eldi mekenderge qaýip tónip turǵan joq, jaǵdaı baqylaýda, dep habarlaıdy aqshamnews.kz.
Vedomstvo basshysy general-maıor Shyńǵys Árinov Soltústik Qazaqstan oblysynda jedel qyzmetterdiń is-qımylyn úılestirýde. Ol nyǵaıtý jumystaryna ınspeksıa júrgizdi, barlyq tartylǵan qurylymdardyń ózara is-qımylyn qamtamasyz etip, kúsheıtilgen rejımde sý tasqynyna qarsy is-sharalardyń oryndalýyn baqylaýda.
Sý tasqynyna qarsy is-sharalarǵa TJM, İİM, QM, jergilikti atqarýshy organdardyń Ulttyq ulannyń jáne TJM áskerı bólimderiniń jeke quramynan 1 600-den astam adam, 152 arnaıy birlik tehnıka jumyldyryldy.
Qazirgi ýaqytta sý sorý, qorǵanysh qurylystaryn nyǵaıtý, sondaı-aq sý deńgeıi men gıdrotehnıkalyq obektilerdiń jaı-kúıine táýlik boıy monıtorıń júrgizý jumystary júrgizilýde.
Jaǵdaı TJM turaqty baqylaýynda, shuǵyl qyzmetter táýlik boıy jumysyn jalǵastyrýda.