Zardap shegýshi tótenshe jaǵdaı bolǵan ýaqyttan bastap 30 kún ishinde qujat jınap, ótinish berýge tıis.
Ótemaqy alý úshin tabıǵı apat bolǵan jerdegi jergilikti ákimdikke habarlasý qajet, dep habarlaıdy Almaty-akshamy.kz
Eger avtokólik ıesi atqarýshy bılik organdaryna habarlasa almasa, týystary nemese tanystary onyń ornyna qujat tapsyra alady, tek kólik ıesi senimhat berýi kerek.
Ákimdik ótinishti 15 kún ishinde qarap, odan keıin 10 jumys kúninde shyǵyn kólemin anyqtaýy qajet.
Ótemaqy kólemi avtokólikti qaıta qalpyna keltirý shyǵynyna sáıkes bolady. Al eger kólik jóndeýge jaramasa, naryqtaǵy quny tólenedi.
Ákimdik úsh kún ishinde ótemaqy tóleý boıynsha sheshim shyǵarý kerek. Keıingi 30 kún ishinde zardap shegýshiniń esepshotyna ótemaqy túsedi. Eger kórsetilgen merzimde shotqa aqsha túspese, sotqa júginýge bolady.