Kún jylynyp, tóńirek túgel jasyl kóılegin kıinip, órik, alma aǵashtary gúl atqanda sizdi tańǵy uıqydan qustardyń sazdy áni oıatady. Sıqyr ún júrek sandyǵyn aqtaryp, kóńilińizdiń terezesin saǵynysh sazyn qaǵyp, san qubyltyp salǵan qustar áni súısindirmeı qoımaıdy. «Aq tyrnalar aspandy bozdatady. Suqsyr kókek toǵaıdan suńqyldasa, Qaı-qaıdaǵy muńymdy qozǵatady», – dep aqyn Muqaǵalı Maqataev jyrlaǵandaı, jyl mezgiliniń ǵajaby – kóktemniń qanatyna ilese, jyl qustary kerýen kóshin bastap,jyly jaqtan qaıta oralýda
«Kók quraq – kóldiń sáýleti, qus pen ań – eldiń dáýleti» deıdi dana halqymyz. Osy oraıda, Almaty qalasynda ótip jatqan «Almaty- bizdiń ortaq úı»atty aksıaǵa Jetisý aýdany №108 jalpy bilim beretin mektep oqýshylary da belsene qatysyp, óz qıaldaryna erik berip, túrli uıashyqtar jasap jarysýda. Mundaı is-sharalar árbir oqýshynyń júregine qamqorlyq sezimin oıatyp qana qoımaı, tylsym tabıǵattyń kórkin ashatyn qustardyń qasıetin boılaryna darytýda. Osyndaı uıymdastyrylǵan is-sharalar arqyly jasóspirimderge úzdiksiz ekologıalyq bilim men tárbıe berip otyrsaq, denimiz saý, bolashaǵymyz jarqyn bolary haq.