Bilimdi sarapshylardy jumysqa tartý kerek.
Sý salasyn damytýdyń úsh jyldyq jobasyn ázirleý kerek. Bul jaıynda QR Prezıdenti Qasym-Jomart Toqaev Qazaqstan halqyna Joldaýynda aıtty, dep habarlaıdy Almaty-akshamy.kz.
«El ekonomıkasyn turaqty damytýǵa sý tapshylyǵy qatty kedergi bolyp otyr. Qazir bul ulttyq qaýipsizdik máselesine aınaldy. Syrttan keletin sý azaıyp barady. Sol sýdyń ózin tıimsiz paıdalaný jaǵdaıdy odan ári ýshyqtyryp otyr. Sýdyń 40 paıyzy qumǵa sińip jatyr. Bul salada basqa da túıtkilder az emes. Atap aıtqanda, ınfraqurylym ábden tozǵan. Sondaı-aq, avtomattandyrý jáne sıfrlandyrý deńgeıi tómen. Ǵylymı negizdeme joq, mamandar tapshy», - dep atap ótti Memleket basshysy.
QR Prezıdentiniń atap ótýinshe, bul máselelerdi sheshý úshin Úkimet janyndaǵy Sý keńesiniń jumysyn jandandyrý qajet, bilimdi sarapshylardy jumysqa tartý kerek
«Qajetti mamandardy daıarlaý úshin bul saladaǵy irgeli ári myqty joǵary oqý ornyn anyqtaǵan jón. Sý salasyn damytýdyń úsh jyldyq jobasyn ázirleý kerek», - dep atap ótti Qasym-Jomart Toqaev.