Prezıdent mandatynyń uzaqtyǵyn 7 jyldyq bir merzimmen shekteýdi usynamyn. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aıtty, dep habarlaıdy almaty-akshamy.kz
«Men bıylǵy kúzde kezekten tys Prezıdent saılaýyn ótkizýdi usynamyn. Ádiletti Qazaqstandy qurý jolynda túbegeıli jáne jan-jaqty reformalardy tabysty júzege asyrý úshin halyqtyń jańa senim mandaty qajet. Men úshin memleket múddesi bárinen bıik. Sondyqtan men ókilettik merzimimdi qysqartýǵa jáne kezekten tys Prezıdent saılaýyna barýǵa daıynmyn», - dedi Memleket basshysy.
«Sondaı-aq, men kóp oılanyp, Prezıdent ókilettigi merzimderiniń sanyn jáne uzaqtyǵyn qaıta qaraý qajet degen baılamǵa keldim. Prezıdent mandatyn uzaqtyǵy 7 jyldyq bir merzimmen shekteýdi usynamyn. Biraq qaıta saılanýǵa tyıym salynady», - dedi Qasym-Jomart Toqaev.