Saıran kóliniń mańynan taǵy bir qarý-jaraq qoımasy tabyldy.
Qoıma qalanyń Almaly aýdanynda synǵan, qurǵaq butaqtardyń astynan tabyldy, dep habarlaıdy Almaty-akshamy.kz Polisia.kz-ke silteme jasap.
“Qarý” respýblıkalyq jedel aldyn alý is-sharasyn ótkizý barysynda Almaty qalasy boıynsha LA-155/13 QAJD mekemesiniń jedel tobynyń qyzmetkerleri Almaly aýdandyq PB-ǵa qarasty polısıa bóliminiń qyzmetkerlerimen birge Varlamov kóshesi boıynan, Saıran kóline qaraı, batys baǵytta qurǵaq butaqtardyń astyndaǵy butalardyń arasynan qarý-jaraq pen oq-dárilerdiń qoımasy tabyldy. Másele 12 kalıbrli, eki tegis uńǵyly ańshy myltyǵy, PM gaz tapanshasy, sonymen qatar oqtar týraly bolyp otyr, - dedi Almaty qalasy boıynsha LA-155/13 QAJD mekemesiniń jedel ýákili Rahat Nurbekov.
Aldyn ala málimet boıynsha, tabylǵan qarýlar bıylǵy jyldyń qańtar aıyndaǵy jappaı tártipsizdikter kezinde urlanǵan. Onyń naqty kimdiki ekendigi saraptamadan keıin anyqtalatyn bolady. Atalǵan derek boıynsha QR QK-niń 287-baby 2-bóligine sáıkes sotqa deıingi tergeý amaldary bastaldy.