Sý resýrstary jáne ırrıgasıa mınıstrligi sý tasqynyna daıyndyq aıasynda 74 gıdrotehnıkalyq qurylysty jóndedi.
Sondaı-aq, sý ótkizý qabiletin jaqsartý úshin 239 shaqyrym ózen arnasy tazartyldy, dep habarlaıdy aqshamnews.kz.
Elimizdiń 16 óńirinde jalpy uzyndyǵy 584 shaqyrym bolatyn 384 bóget jóndelip, qaıta turǵyzyldy. Jergilikti ákimdiktermen birlesip, 6 oblystyń (Aqmola, Aqtóbe, Batys Qazaqstan, Pavlodar, Soltústik Qazaqstan jáne Qostanaı) 84 eldi mekeninde qorǵanys bógetteri men gıdrotehnıkalyq qurylystardy salý, rekonstrýksıalaý jáne qalpyna keltirý boıynsha 57 joba iske asyrylýda. Bul jumystar 359 myń adamnyń qaýipsizdigin qamtamasyz etýge múmkindik beredi.
2024 jyly Qazaqstannyń 14 oblysynda 84 sý sharýashylyǵy nysanyna kóp faktorly zertteý júrgizildi. Bıyl 105 gıdroqurylysty kóp faktorly zertteýden ótkizý josparlanyp otyr.
«Elimizdiń barlyq sý qoımalary bekitilgen kestege saı jumys istep tur. Sý deńgeıine turaqty monıtorıń jáne táýlik boıy kezekshilik júrgiziledi. Bos oryndar daıyndaý úshin sý qoımalarynan sý jiberý jumysy jalǵasýda. Bul sý tasqyny kezinde sýdy qaýipsiz ótkizýge múmkindik beredi», - dedi Sý resýrstary jáne ırrıgasıa vıse-mınıstri Nurlan Aldamjarov.