Elimiz boıynsha 24 aqpan – 24 naýryz aralyǵynda Dúnıejúzilik týberkýlezge qarsy kúres kúnine osy derttiń aldyn alýǵa arnalǵan aılyq ótip jatyr. Bıylǵy aılyqtyń urany – «Biz týberkýlezdi jeńemiz!».
Almatydaǵy №24 emhana dárigerleri Lázzat Berikqyzy men Álıa Tursynbekqyzy №11 mekemede jazasyn ótep jatqan jasóspirimder úshin aqparattyq-túsindirý jumysyn júrgizdi. Mamandar jastarǵa týberkýlezden saqtaný joldaryn túsindirdi. Olarǵa densaýlyqtyń mańyzdylyǵyn aıtyp berdi. Salaýatty ómir saltyn ustanyp júrýge shaqyrdy.
Aıta ketsek, №11 mekemede Densaýlyq saqtaý mınıstrligi buıryǵynyń barlyq normasy qatań saqtalady. Jasóspirimder mekemege túskennen keıin úsh táýlik ishinde flúorografıalyq tekserýden ótedi.
Jylyna eki márte FG- tekserý bolady. Qazaqstan Respýblıkasynyń Bas memlekettik sanıtarlyq dárigeriniń qaýlysymen belgilengen sanıtarlyq-dezınfeksıalyq rejımdi saqtaý jumystary júıeli túrde uıymdastyrylady.