Alǵash ret nesıe alatyndarǵa onlaın kredıt berilmeıdi
2025 jyldan bastap qarjy salasyndaǵy erejeler kúsheıtildi. Endi alǵash ret nesıe alýdy josparlaǵan azamattar bankter men mıkroqarjy uıymdarynan (MQU) onlaın kredıt ala almaıdy. Olar mindetti túrde qarjy uıymynyń keńsesine baryp, jeke tulǵamen nesıe rásimdeýi qajet, dep habarlaıdy aqshamnews.kz
Bul ózgerister ne úshin engizildi?
Qarjy naryǵyn retteý jáne damytý agenttigi (QNRDA) qarjylyq jáne kıberqaýipsizdikti arttyrý maqsatynda nesıe berý talaptaryn qatańdatýda. Onlaın nesıe berýdi shekteýmen qatar kelesi sharalar da qolǵa alynady:
- 21 jasqa tolmaǵandar men 55 jastan asqandar úshin nesıe alý úshin qosymsha kelisim alý qajet;
- SIM-kartalardy satýǵa shekteýler engiziledi;
- Mindetti bıometrıalyq sáıkestendirý engiziledi;
- Alaıaqtyqpen kúres maqsatynda baılanys operatorlary antıfrod júıelerin qurady;
- SIM-bokstardy paıdalanýǵa qoıylatyn talaptar qatańdatylady.
Taǵy bir mańyzdy ózgeris
Onlaın tutynýshylyq nesıe rásimdeýde 24 saǵattyq «oılaný merzimi» engiziledi. Iaǵnı, bank nesıe berýdi maquldaǵanymen, klıent aqshany tek bir táýlikten keıin ǵana ala alady.
Bul ózgerister ne úshin qajet?
Rýslan Omarov, Birinshi kredıttik búro dırektory:
- Alaıaqtyqty azaıtý – alaıaqtar nesıe rásimdep, jyldam sheship alyp, óz shottaryna aýdarmaýy úshin.
- Lýdomandardy shekteý – qumar oıyndarǵa táýeldi adamdardyń shuǵyl aqsha alý múmkindigin azaıtý.
- Azamattarǵa oılanýǵa ýaqyt berý – kópshilik nesıeni emosıamen alady, sondyqtan olar osy ózgerister arqyly oılanyp, salystyryp, sheshim qabyldaı alady.