Júrgizilgen esepteýlerge sáıkes, atom elektr stansıasynyń qajettiligi úshin sý tutyný kólemi Balqash kóliniń deńgeıine aıtarlyqtaı áser etpeıdi.
Bul týraly Qazaqstannyń sý sektoryn damytý jóninde áriptesterdiń Úılestirý keńesiniń otyrysynda Sý resýrstary jáne ırrıgasıa mınıstri Nurjan Nurjigitov málimdedi, dep habarlaıdy aqshamnews.kz.
«Salqyndatý úshin bir sý birneshe márte paıdalanylady. Sonymen qatar, paıdalanylǵan sý basqa sý nysandaryna jiberilmeıdi. Bizdiń mınıstrlik kól deńgeıi men atom elektr stansıasynyń sý tutyný kólemin turaqty monıtorıńin júrgizetin bolady. Onyń ishinde sý resýrstary aqparattyq-taldaý ortalyǵynda derekterdi jınaý jáne esepke alý quraldaryn engizý arqyly da esep júrgizetin bolady», - dedi Sý resýrstary jáne ırrıgasıa mınıstri Nurjan Nurjigitov.
Esterińizge sala keteıik, jyl basynan beri Balqash kóline 12 mlrd tekshe metrden astam sý jiberildi. Bul qalypty deńgeıdi ustap turý úshin jetkilikti kólem bolyp tabylady.