Onyń 87,5%-y – uzaq merzimdi syrtqy qaryz.
2024 jylǵy 1 shildedegi jaǵdaı boıynsha, Qazaqstan Respýblıkasynyń syrtqy qaryzy 166,7 mlrd AQSH dollaryna jetti, dep habarlaıdy aqshamnews.kz
Ulttyq banktiń málimetinshe, bul kórsetkish 2024 jyldyń basynan beri 3,0 mlrd dollarǵa ósken.
2024 jyldyń basynan bastap syrtqy qaryz tólem balansynyń operasıalary esebinen 2,7 mlrd dollarǵa, al qundyq, baǵamdyq jáne basqa da ózgerister esebinen 0,3 mlrd dollarǵa ulǵaıǵan.
Qazaqstannyń syrtqy qaryzynyń 87,5%-y – uzaq merzimdi syrtqy qaryzǵa tıesili. Bul bir jaǵynan ótimdilik táýekelderin azaıtsa, ekinshi jaǵynan qaryzdy óteý men qyzmet kórsetýge naryqtyq jaǵdaılardyń ózgerýiniń yqpalyn kúsheıtedi. Qaryzdyń qarjylyq quraldar túrleri boıynsha qurylymynda rezıdent emesterden alynǵan nesıeler men qaryzdar basymdyqqa ıe (73,9%), al rezıdent emester qolyndaǵy boryshtyq baǵaly qaǵazdar 8,0%-dy qamtıdy, – delingen Ulttyq bank habarlamasynda.
Aıta keteıik, syrtqy qaryz degenimiz – rezıdentterdiń rezıdent emester aldynda tólenbegen naqty jáne sózsiz mindettemeleri. Bul mindettemeler negizgi qaryzdy jáne paıyzdardy tóleýdi talap etedi.
Qazaqstan Respýblıkasynyń syrtqy qaryzy boıynsha statısıkalyq esepte eldiń syrtqy mindettemeleri men onyń qurylymy kórsetiledi. Bul qaryzdar halyqaralyq ınvestısıalyq pozısıanyń quramdas bóligi sanalady.