QR Sý resýrstary jáne ırrıgasıa mınıstrligi Halyqaralyq sý aǵyndarynyń keme júrmeıtin túrlerin paıdalaný quqyǵy týraly konvensıa aıasynda transshekaralyq ózenderdiń sýyn birlesip paıdalaný máselesin sheshýge nıetti.
Qazaqstan 2024 jyly atalǵan konvensıaǵa qosyldy, dep habarlaıdy Almaty-akshamy.kz sala mınıstrligine silteme jasap.
Konvensıa transshekaralyq ózenderdegi sýdyń ádil bólinýin qamtamasyz etetin jáne ony paıdalanýdy retteıtin halyqaralyq qujat bolyp tabylady.
Halyqaralyq kelisim sý bólýge qatysty yqtımal daýlardy sheshý úshin jáne barlyq taraptyń múddesine saı sý resýrstaryn damytýǵa memleketter arasyndaǵy yntymaqtastyq tetikterin jasaıdy.
Konvensıaǵa sáıkes sý aǵyny memleketi óz aýmaǵynda halyqaralyq sý aǵynyn paıdalaný kezinde basqa memleketterge zıan keltirýmeý úshin tıisti is-sharalardy qabyldaıdy. Sondaı-aq sý aǵyny, sýdyń sapasy jáne tıisti boljamdar týraly qoljetimdi derektermen turaqty negizde bólisedi.