Búgingi tańda aýyl sharýashylyǵy salasyna táýligine 40 myń tonnadan astam sý nemese el aýmaǵynda jınaqtalatyn jalpy sý qorynyń 60%-y jumsalady.
Onyń ishinde jerasty sýlarynyń úlesi 1,2% nemese táýligine 548 tonna, dep habarlaıdy Almaty-akshamy.kz
Birinshi kezeńde ekonomıkalyq tıimdiligin eskere otyryp, jerasty sýlarynyń úlesin 10-15% deıin arttyrý josparlanýda.
Aıta ketý kerek, Qazaqstan aýmaǵynda paıdalanýǵa bolatyn jerasty sýynyń qory shamamen táýligine 43 myń tonnadan artyq. Onyń ishinde táýligine 19 myń tonnaǵa jýyǵyn aýyl sharýashylyǵynda tıimdi paıdalanýǵa bolady. Sýarýǵa arnalǵan jerasty sýlary qorynyń kóp bóligi Almaty, Pavlodar, Shyǵys Qazaqstan jáne Jambyl oblystarynda barlanǵan.
«Sýarmaly jerlerdiń kólemin ulǵaıtý úshin sý únemdeý tehnologıalarymen qatar jerasty sýlaryn paıdalaný úlesin arttyrý qajet. Bul rette, sharýashylyq-aýyz sý qajettiligi úshin kerek jerasty sýlarynyń resýrstary eskeriletin bolady. Mınıstrlik sý únemdeý tehnologıalaryn qoldana otyryp, jerasty sýlaryn sýarý maqsatynda paıdalanatyn sharýalarǵa sýbsıdıalar jáne tómendetilgen tarıfter túrinde memlekettik qoldaý sharalaryn engizýdi josparlap otyr», - dedi QR SRIM Jerasty sýlary departamentiniń dırektory Jaıyq Erikuly.