Memleket basshysy Qasym-Jomart Toqaevtyń Joldaýy – ótkenge esep, bolashaqqa baǵdar beretin mańyzdy shara. Ol aldyńǵy reformalardyń zańdy jalǵasy.
Prezıdent osy Joldaýy barysynda el ekonomıkasyn ilgeri súıreıtin áleýetti salalar retinde: óndiris pen qaıta óńdeýdi, geobarlaý men taý – ken salasyn, jasyl ekonomıka, atom energetıkasy, kólik – logıstıka, sıfrlandyrý jáne ınovasıa, kreatıvti ındýstrıa, kásipkerlikti qoldaý, makroekonomıkalyq saıasat jáne t.b. atap ótti.
Biz – basty mindeti aýyldy aımaqty órkendetýge baǵyttalǵan «Aýyl» partıasy, olardyń qatarynda – otandyq agroónerkásip kesheni men sý máselesiniń aıtylýyn úlken tolǵanyspen qabyldadyq.
Sý máselesi de tutas elimizdi qamtıtyn, kún tártibinen túspeı turǵan kúrdeli taqyryp. Prezıdent keshegi Joldaýynda atalǵan saladaǵy máseleler keshenin dál aıqyndap, sheshý joldaryn usyndy. Atap aıtqanda, ortaq transshekaralyq sý resýrstaryn kórshi eldermen birlese paıdalaný, sýdy únemdeý tehnologıalaryn keńinen engizý, sýdy mol qajet etetin daqyldardan birtindep bas tartý, tozyǵy jetken sýarý júıelerin qalypqa keltirý, kóktemgi qyzyl sý men kúzgi jaýyn sýyn jınaqtaý maqsatynda jańa sýqoımalaryn salý, qoldanystaǵy tozǵan sýqoımalardy jóndeýden ótkizý jáne t.b. boıynsha naqty tapsyrmalar berdi.Eń bastysy osy jumystardy rettep, úılestiretin Sý resýrstary jáne ırrıgasıa mınıstrligi qurylatyn boldy.
Aýyl» partıasy eldik múddeni negizge alyp, árbirimizdiń otan aldyndaǵy boryshymyzdy sezine otyryp, barshańyzdy, Memleket basshysynyń Joldaýyn qoldaýǵa jáne ony júzege asyrýda jumyla eńbektenýge shaqyrady.