Eýropalyq depýtattar Qazaqstan azamattaryna vızalyq rejımdi jeńildetý baǵytynda konsýltasıany bastaý týraly usynysty pysyqtaýy múmkin, dep habarlaıdy Almaty-akshamy.kz QazAqparatqa silteme jasap.
«QR Syrtqy ister mınıstrligi Qazaqstan azamatttarynyń shet elderge, sonyń ishinde Eýropa odaǵy elderine barý úshin vızalyq rejımdi jeńildetý boıynsha tıisti jumystardy turaqty túrde jalǵastyryp keledi. 2023 jylǵy 21-23 tamyzda Qazaqstanǵa Eýropalyq parlamenttiń (EP) Syrtqy ister boıynsha komıtetiniń tóraǵasy Devıd Makallıster bastaǵan bir top depýtattar delegasıasynyń issapary ótkeni málim. Atalǵan sapar barysynda eýropalyq depýtattar men Qazaqstannyń birqatar memlekettik organy, sonyń ishinde Syrtqy ister mınıstrliginiń resmı ókilderi arasynda kelissózder boldy», - delingen mınıstrliktiń bergen jaýabynda
Atalǵan jıynda Qazaqstan jaǵy elimizdiń azamattary úshin ońtaılandyrylǵan vızalyq tártip engizý boıynsha resmı konsýltasıalardy bastaýdyń mańyzdylyǵyn atap ótip, bul úderis Qazaqstannyń Eýropa odaǵymen jaqyndasýyna yqpal etetinin jetkizdi.
«Konsýltasıalardyń nátıjesinde eýropalyq depýtattar Qazaqstan men EO memleketteri azamattarynyń ózara saparlardyń artýyna alyp keledi degen pikirmen kelisti. Óz kezeginde, Qazaqstannyń Syrtqy ister mınıstrligi aldaǵy ýaqytta bul baǵyttaǵy jumysty jalǵastyrady», - dep atalyp ótken vedomstvo aqparatynda.