Erteń Astanaǵa Italıa Respýblıkasynyń Mınıstrler keńesi tórǵasynyń orynbasary – Syrtqy ister jáne halyqaralyq yntymaqtastyq mınıstri Antonıo Taıanı keledi, dep habarlaıdy Almaty-akshamy.kz.
Bul týraly Syrtqy ister mınıstrliginiń resmı ókili Aıbek Smadıarov vedomstvonyń baspasóz-máslıhatynda aıtty.
«5 qyrkúıekte Italıa Respýblıkasynyń Mınıstrler keńesi tórǵasynyń orynbasary – Syrtqy ister jáne halyqaralyq yntymaqtastyq mınıstri Antonıo Taıanıdiń Astanaǵa resmı sapary ótedi. Sapar aıasynda onyń QR Premer-Mınıstri Álıhan Smaıylovpen kezdesýi jáne Premer-Mınıstrdiń orynbasary - Syrtqy ister mınıstri Murat Nurtileýmen kezdesýleri josparlanǵan. Túrli salalardaǵy ekijaqty Qazaqstan-Italıa yntymaqtastyǵynyń ózekti máseleri talqylanady dep josparlanyp otyr», - dedi mınıstrlik resmı ókili.