Osyndaı ataýmen aldaǵy 5 jylda degen brend paıda bolady.
Qazirdiń ózinde Qazaqstan álemdik hab retinde qalyptasyp keledi. Byltyr elde 4 sheteldik joǵary oqý ornynyń fılaly ashylsa, bıyl olardyń qatary taǵy 6 ýnıversıtetpen tolyǵady, dep habarlaıdy Almaty-akshamy.kz.
Bul týraly Ǵylym jáne joǵary bilim mınıstri Saıasat Nurbek aıtty. Vedomstvo basshysy «halyqaralyq forýmǵa kelgen seriktester arqyly joǵary bilim keńistigin ashý, keńeıtý jaıyn qarastyramyz», - deıdi.
«Qandaı jańa bastamalar bar Qazaqstanda? Qandaı jańa seriktestikter bar? Microsoft, Apple, Google, Coursera tárizdi úlken kompanıalarmen qazir biz jańa oqý, jańa biliktilikti arttyrý múmkindikterin ashyp jatyrmyz. Keshe ǵana «CNN» akademıasy ókilderimen kezdestik. Bul BAQ ókilderine arnalǵan. Buıyrtsa, bizdiń seriktestiktiń negizinde «CNN» sekildi myqty kompanıalarda biliktiligin arttyra alady», - deıdi QR Ǵylym jáne joǵary bilim mınıstri Saıasat Nurbek.