Petropavlda qatty daýyldyń saldaryn joıý jumystary jalǵasyp jatyr.
«I-komek 109» ortalyǵyna túni boıy 200-den asa qońyraý túsken. Keshe qalada qatty jel kóterilip, nóser jaýdy, dep habarlaıdy Almaty-akshamy.kz.
24.kz taratqan aqparatqa sáıkes, aýa raıynyń qolaısyzdyǵynan birneshe aýdannyń turǵyndary jaryqsyz qaldy. Kópqabatty turǵyn úılerdiń shatyrynan sý aqty. Sonymen qatar, aǵash butaqtary synyp, jeńil kólikterge zaqym keldi. Zardap shekkender joq. Qazir komýnaldyq qyzmet mamandary kóshelerdi tazalap, isten shyqqan elektr jelilerin jóndep jatyr.
«Petropavlda 13 qosalqy stansıada jaryq sóndirildi. Qalanyń basym bóliginde jaryq berý jumystary birneshe saǵattyń kóleminde júrgizildi. Búgin tańerteń áli 20-shy yqshamnyń bir bóligi, sondaı-aq balyq pıtomnıginiń aýdany Promzona jáne Gasheka men Ýálıhanov kóshelerinde ornalasqan birqatar nysandar áli jaryqsyz otyr», - deıdi qalalyq ákimdiktiń baspasóz hatshysy Elmıra Sádýaqasova.