Ashyq normatıvtik-quqyqtyq aktilerdiń jobalary portalynda stýdent, magıstrant jáne doktoranttardyń stıpendıasyn arttyrýdy kózdeıtin úkimet qaýlysynyń jobasy jarıalandy, dep habarlaıdy almaty-akshamy.kz.
Onda shákirtaqy 2024 jyldyń 1 qyrkúıeginen bastap ósetini, 2025 jyly 1 qyrkúıekten bastap taǵy da arta túsetini kórsetilgen. Osylaısha, 2024 jylǵy 1 qyrkúıekten bastap:
- joǵary bilimniń bilim berý baǵdarlamalaryn iske asyratyn bilim berý uıymdarynda oqıtyn stýdentter («Densaýlyq saqtaý» baǵytyndaǵy pedagogıkalyq daıyndyq baǵyttary boıynsha oqıtyn stýdentterdi qospaǵanda) – 47 135 teńge;
- joǵary bilimniń bilim berý baǵdarlamalaryn iske asyratyn bilim berý uıymdarynda daıarlaýdyń pedagogıkalyq baǵyttary boıynsha jáne «Densaýlyq saqtaý» daıarlaý baǵyty boıynsha oqıtyn stýdentter – 75 600 teńge;
- ınternder – 85 376 teńge;
- QR Joǵary Sot Keńesi janyndaǵy Sot tóreligi akademıasynyń magıstranttary – 107 061 teńge;
- «Nazarbaev Ýnıversıteti» derbes bilim berý uıymynda oqıtyn magıstranttar – 200 000 teńge;
- «Densaýlyq saqtaý» daıarlaý baǵyty boıynsha doktoranttar – 240 000 teńge;
- «Densaýlyq saqtaý» daıarlaý baǵyty boıynsha rezıdent dárigerler men magıstranttar – 123 122 teńge;
- Jumys biliktiligi boıynsha tehnıkalyq jáne kásiptik bilim berýdiń bilim berý baǵdarlamalaryn iske asyratyn bilim berý uıymdarynda oqıtyn stýdentter – 43 574 teńge;
- Tehnıkalyq jáne kásiptik, orta bilimnen keıingi bilimniń bilim berý baǵdarlamalaryn iske asyratyn bilim berý uıymdarynda oqıtyn stýdentter – 41 896 teńge;
- Joǵary jáne joǵary oqý ornynan keıingi bilim berý uıymdarynyń daıyndyq bólimderiniń tyńdaýshylary – 40 065 teńge stıpendıa alady dep josparlanyp otyr.