QR Mádenıet jáne aqparat mınıstri Aıda Balaeva buqaralyq aqparat quraldary ókilderiniń Qýandyq Bıshimbaevtyń isine qatysty sot otyrysyna nelikten jiberilmegendigi jóninde pikir bildirdi, dep habarlaıdy almaty-akshamy.kz.
Mınıstrdiń aıtýynsha, vedomstvo árqashan jýrnalıs quqyn shekteýge jol bermeý, aqparatqa erkin qol jetkizýdi qamtamasyz etý jáne obektıvti aqparat taratý ustanymyn berik saqtaıdy. Bul rette keshegi sot otyrysynda arnaıy orynnyń bolmaýyna baılanysty BAQ ókilderi sot otyrysyn belgilengen bólek bólmede otyryp kórdi.
«Alaıda BAQ ókilderine tıisti oryndar bolýy kerek. Osy jaǵdaıdy eskere otyryp, mınıstrlik múddeli memlekettik organdarmen birlesip, jýrnalıserdi qajet oryndarmen qamtý jumysyn júrgizetin bolady. Jalpy, BAQ ókilderin sot prosesin jarıalaý kezinde birqatar etıkalyq aspektilerdi, atap aıtsaq, zań ústemdigin, beıtarap ádilettilikti eskerip, jalǵan aqparattyń taralýynan jáne kez kelgen formada sot qyzmetine aralasýdan saq bolýǵa shaqyramyn»,-dep jazdy mınıstr óziniń Facebook paraqshasynda.