Qazgıdromet el aýmaǵynda 14 naýryzda bolatyn meteorologıalyq qubylystarǵa boljam jasady.
Vedomstvonyń málimetinshe, eldiń basym bóliginde atmosferalyq frontaldy bólimderdiń ótýimen aýa raıynyń turaqsyz sıpaty saqtalady, dep habarlaıdy almaty-akshamy.kz.
«Soltústikte, shyǵysta, ortalyqta qar jaýady, ońtústikte, ońtústik-shyǵysta jańbyr men qar túrinde jaýyn-shashyn bolady. Túrkistan, Jambyl, Almaty oblystarynyń taýly aýdandarynda, ońtústikte taýly aýdandarda qatty jaýyn-shashyn kútiledi», dep jazdy sınoptıkter.
Tek QR batysynda antısıklonnyń áserinen jaýyn-shashynsyz aýa raıy bolady. El boıynsha tuman, jeldiń kúsheıýi, soltústikte, shyǵysta, ortalyqta jaıaý burqasyn, ońtústikte, ortalyqta kóktaıǵaq kútiledi.
Kúndiz Mańǵystaý oblysynyń ońtústiginde, batysynda, shyǵysynda shańdy daýyl bolady.