Ál-Farabı atyndaǵy Qazaq ulttyq ýnıversıteti aldyn ala ishki tekserý júrgizgeni habarlandy.
QazUÝ quqyqtyq jáne qujattamalyq qamtamasyz etý departamentinde JOO stýdentteriniń derbes derekteriniń áleýmettik jelide tarap ketýine qatysty túsinik berdi, dep habarlaıdy almaty-akshamy.kz.
«6 aqpanda ýnıversıtetke medısınalyq qyzmet kórsetetin Smart Health University City JSHS medbıkesi Whatsapp messendjeri arqyly flúorografıalyq zertteýden ótýin qamtamasyz etý úshin Mehanıka-matematıka fakúltetiniń 3-4 kýrs stýdentteriniń tizimi bar Excell formatyndaǵy qujattardy osy fakúltet dekanatynyń mamany J.Smaǵulovaǵa jibergen», - dep habarlady JOO departamenti.
Alaıda, Whatsapp arqyly jiberilgen qujattarda stýdentterdiń tegi men aty-jóninen basqa, medısınalyq qupıaǵa jatatyn málimetter de bolǵan.
«Keıinnen messendjerlerge arqyly ýnıversıtet stýdentterine qatysty dárigerlik qupıa bolyp tabylatyn derbes derekter men málimetter tarap ketken. Osy fakt boıynsha 14 aqpanda ýnıversıtette qyzmettik tekserý bastaldy jáne Almaty prokýratýrasyna osy fakt boıynsha prokýrorlyq qadaǵalaý sharasyn qabyldap, stýdentterdiń quqyqtaryn qorǵaýdy qamtamasyz etýdi surap ótinish joldandy», - dep habarlady ýnıversıtette.
Qazir QazUÝ Smart Health University City JSHS-men shartty buzý týraly máseleni qarastyrýda.