Mamyr aıynda ol kezekti jekpe-jegin ótkizedi
Kásipqoı bokstan sýper orta salmaqta álemniń absolútti chempıony meksıkalyq Saýl «Kanelo» Alvares (60-2-2) kelesi jekpe-jegine qatysty mańyzdy málimdeme jasady, dep habarlaıdy almaty-akshamy.kz.
Buǵan deıin meksıkalyq boksshy óz jerlesi Haıme Mýngıamen (43-0) judyryqtasady degen boljam aıtylǵan bolatyn. Alaıda, Alvarestiń ózi bul joramaldy joqqa shyǵardy. Ol kelesi jekpe-jegi amerıkalyq boksshymen bolatynyn aıtyp otyr.
Insaıderler Alvarestiń kelesi qarsylasy Djermall Charlo (33-0) bolatynyn jazýda. Degenmen, «Kanelo» komandasy qarsylastyń aty-jónin aıtpady.
Eske salaıyq, Charlony qazaq boksshysy Jánibek Álimhanuly da jekpe-jekke shaqyryp júr. Alaıda, amerıkalyq boksshy bul shaqyrtýǵa jaýap qatqan joq.