Bul qyzmetke Erkin Tuqymov keldi.
Memleket basshysynyń ókimimen Erkin Valıthanuly Tuqymov Qazaqstan Respýblıkasy Prezıdentiniń janyndaǵy Qazaqstannyń strategıalyq zertteýler ınstıtýtynyń dırektory laýazymyna taǵaıyndaldy, dep habarlaıdy Almaty-akshamy.kz Aqordaǵa silteme jasap.
Buǵan deıin Qasym-Jomart Toqaev Zarema Kaýkenqyzy Shaýkenovany QR Prezıdenti janyndaǵy Qazaqstannyń strategıalyq zertteýler ınstıtýtynyń dırektory qyzmetinen bosatqan bolatyn.
Erkin Tuqymov 1973 jyly Ózbekstanda, Termez qalasynda týǵan. 1997 jyly Varshava halyqaralyq qatynastar ınstıtýtyn úzdik bitirip, 2004 jyly QR Ǵylym akademıasynyń Fılosofıa jáne saıasattaný ınstıtýtynyń aspırantýrasyn támamdady.
Eńbek jolyn 1997 jyly QR Prezıdenti janyndaǵy Qazaqstan strategıalyq zertteýler ınstıtýty syrtqy saıası zertteýler bóliminiń aǵa ǵylymı qyzmetkeri retinde bastady.
2000-2005 jyldary - QSZI syrtqy saıasat bóliminiń meńgerýshisi.
2005-2007 jyldary Ortalyq Azıa demokratıany damytý qorynyń bas dırektory boldy.
2007-2008 jyldary QR Prezıdenti ákimshiliginde aqparattyq-taldaý ortalyǵynyń strategıalyq taldaý sektorynyń meńgerýshisi, Strategıalyq ázirlemeler jáne taldaý ortalyǵynyń strategıalyq halyqaralyq yqpaldastyq sektorynyń meńgerýshisi qyzmetterin atqardy.
2008 jyldyń maýsymynda QR Syrtqy ister mınıstrligi Ortalyq Azıa departamenti dırektorynyń orynbasary, keıinnen departament dırektory boldy.
2010 jylǵy qańtar aıynda Qazaqstan Respýblıkasy Qaýipsizdik Keńesi Taldaý bóliminiń meńgerýshisi boldy.
Qazaqstannyń Qazandaǵy bas konsýly laýazymyna 2018 jyly taǵaıyndaldy.
2019 jyly Qazaqstannyń Reseıdegi Elshiliginiń keńesshi-elshisi boldy.
Dıplomatıalyq dárejesi - Qazaqstan Respýblıkasy Syrtqy ister mınıstrliginiń İİ synypty keńesshisi.
«Eren eńbegi úshin», «Qazaqstan Respýblıkasynyń táýelsizdigine 20 jyl» medaldarymen marapattalǵan.
Úılengen, qyzy jáne uly bar.