Baıdenniń reıtıńi 41 paıyzǵa deıin tómendegen.
AQSH-tyń Demokratıalyq partıasy qarashada ótetin saılaýdan keıin Kongrestiń eki palatasyndaǵy basymdylyǵynan aıyrylýy múmkin. Bul týraly Lenta.ru saıtyna bergen suhbatynda Máskeýdegi Amerıka ýnıversıtetiniń jetekshisi ári saıasattanýshy Edýard Lozanskıı málimdedi, dep habarlaıdy Almaty-akshamy.kz.
Onyń aıtýynsha,bul AQSH prezıdenti Djo Baıdenniń saıasatyna narazylyqtyń ósýine baılanysty onsyz da kúrdeli bolyp turǵan jaǵdaıdy qıyndatady.
«Eger bul boljam iske assa, ıaǵnı demokrattar Kongrestegi basymdylyǵynan aırylyp qalsa, birden ımpıchment áreketteri bastalady. Prezıdenttiń densaýlyǵy syltaý bolýy yqtımal», - dep boljady Lozanskıı.
Onyń aıtýynsha, vıse-prezıdent Kamala Harrıs Baıdenge kómektese almaıdy, sebebi onyń reıtıńi Amerıka kóshbasshysynyń reıtıńisinen de tómen.
Saıasattanýshy osy áńgime aıasynda buqaralyq aqparat quraldary tipti Hılları Klınton úlken saıasatqa qaıta oralýy múmkin degen boljamdar jasaı bastady. Sonymen qatar, Donald Tramptyń AQSH Kongresiniń Ókilder palatasyna saılanýy múmkin bolatyn senarı talqylanyp jatyr, ol keıinnen spıker laýazymyna ıe bolyp, eldegi úshinshi tulǵa bolady.
Qoǵam pikirin bilý maqsatynda Pew Research júrgizgen saýalnama nátıjesinde, Baıdenniń reıtıńi 41 paıyzǵa deıin tómendegenin kórýge bolady. Sonymen qatar, Morning Consult zertteýin kórsetti, onyń zertteýi boıynsha, Baıden Amerıka Qurama Shtattary tarıhyndaǵy eń súıkimsiz prezıdentteriniń biri boldy. Oǵan degen senimniń tómendeýi jumyssyzdyqtyń, ınflásıanyń ósýi jáne COVID-19 pandemıasy kezindegi ulttyq densaýlyq saqtaý júıesiniń nashar ahýaly saldarynan joıyldy.
16 qańtarda AQSH-tyń burynǵy prezıdenti Tramp Aq úıge jaqyn arada oralatynyn málimdedi. Eldiń burynǵy kóshbasshysy Arızona shtatynyń Florensıa qalasynda óz jaqtastarynyń mıtıńisinde 2024 jyly qyzmetine qaıta oralýǵa ýáde berdi. Ol sondaı-aq «Amerıkany qaıtadan uly etý» kerektigin atap ótti.