Atom elektr stansıasy jańa jumys oryndaryn ashyp, stansıa ornalasatyn aımaqtaǵy ınfraqurylymdy damytýǵa serpin beredi.
Atom energetıkasy uzaq merzimdi perspektıvada elektr energıasynyń baǵasyn turaqty etýge múmkindik beredi.
Bul ónerkásiptiń damýy jáne Qazaqstan ekonomıkasynyń básekege qabilettiligin arttyrý úshin óte mańyzdy.
Belgili bolǵandaı, eldiń damýy ónerkásip pen óndiristiń ósýinsiz múmkin emes. Onyń ústine, óndiristik kásiporyndardy energıamen qamtamasyz etýdegi tapshylyq Qazaqstanda básekege qabiletti ónerkásiptik tehnologıalardyń damýyna keri áserin tıgizýi múmkin.
Osylaısha, AES salý Qazaqstannyń energetıkalyq qaýipsizdigin qamtamasyz etý úshin qajetti qadam ǵana emes, sonymen qatar eldiń ekonomıkalyq jáne áleýmettik damýynyń mańyzdy faktory.
Bul joba jahandyq tómen kómirtekti ekonomıkaǵa kóshý jaǵdaıynda elimizge kómektesedi.
AES Qazaqstannyń qazirgi energetıkalyq máselelerin sheship, bolashaqta turaqty damý úshin berik negiz qalyptastyrady.