2024 jylǵy 6 qyrkúıekte QR Energetıka mınıstri Almasadam Sátqalıev Sh. Ýálıhanov atyndaǵy Kókshetaý ýnıversıtetinde stýdenttermen kezdesý ótkizdi. Kezdesýge A. Myrzahmetov ýnıversıteti, M. Ǵabdýllın atyndaǵy azamattyq qorǵaý akademıasy jáne Gýmanıtarlyq-tehnıkalyq akademıanyń stýdentteri qatysty.
Kezdesý «Beıbit atom» taqyrybyna arnaldy. Mınıstr atom energetıkasynyń Qazaqstan úshin mańyzdylyǵyn jáne onyń eldiń turaqty damýy men qaýipsizdigine áserin túsindirdi. Qazirgi tańda elektr energıasynyń 66%-y kómir stansıalarynan óndiriledi, al jańartylatyn energıa úlesi 6%-ǵa jetken. 2035 jylǵa qaraı suranys 152,4 mlrd kVt/saǵ-qa jetedi, al qazirgi qýattar jetkiliksiz bolmaq. Osy sebepti, 26,5 GVt jańa qýat kózderin iske qosý qajet.
Kómirtegi beıtaraptyǵyna baǵyttalǵan álemdik úrdister jáne gaz generasıasyn damytýdyń shekteýleri jaǵdaıynda, AES qurylysy Qazaqstannyń energetıkalyq táýelsizdigin qamtamasyz etýdiń tıimdi sheshimi bolyp tabylady.
Mınıstr stýdentterge ıadrolyq reaktorlar jáne olardyń qaýipsizdigin qamtamasyz etý týraly aqparat berip, suraqtarǵa jaýap berdi. Sonymen qatar, «Kókshetaý Energo» JSHS jumysymen tanysyp, AES qurylysynyń mańyzdylyǵyn túsindirdi.