Iadrolyq kardıologıanyń mańyzy artyp keledi.
Ásirese, radıonýklıdtik dıagnostıka ádisteri kardıologıada keńinen qoldanylady. Bul ádister mıokardtyń ártúrli zaqymdanýlaryn, onyń ishinde qanmen qamtamasyz etilýine baılanysty jáne baılanysty emes jaǵdaılardy zertteýge múmkindik beredi.
Dıagnostıkada biz bir fotondy emısıalyq kompúterlik tomograftardy jáne pozıtrondy-emıssıalyq tomograftardy qoldanamyz, olar gamma-sáýlelerdi tirkeıdi.
Emdeý kezinde radıoııodterapıa basymdyqqa ıe. Bul ádis isikterdi erte anyqtap, olardy bastapqy kezeńde jeńil ári asqynýsyz joıýǵa múmkindik beredi.
Iadrolyq medısına ashyq radıonýklıdtik kózderdi qoldanýǵa negizdelgen. Ol radıonýklıdtik dıagnostıka jáne radıonýklıdtik terapıa bolyp ekige bólinedi. Iadrolyq medısına negizinen kardıologıalyq jáne onkologıalyq aýrýlardy emdeýde qoldanylady. Radıoaktıvti ızotoptardyń tiri jasýshalarǵa áser etý qasıeti olardy tek izdeýde ǵana emes, sondaı-aq joıýda – radıoımmýndyq terapıada qoldanýǵa múmkindik beredi.
Bul ádis qýyqasty beziniń, analyq bezdiń, teriniń, sondaı-aq keıbir qan jáne mı qaterli isikterin emdeýde sátti qoldanylady.
Iadrolyq medısına múmkindikterin keńeıte otyryp, biz aýrýlardy erterek anyqtap, tıimdi emdeý joldaryn usynamyz.