QR Eńbek jáne halyqty áleýmettik qorǵaý mınıstri Serik Shápkenov beıindi úkimettik emes uıymdardyń ókilderimen onlaın kezdesý ótkizip, onyń barysynda áleýmettik-eńbek salasynda júrgizilip jatqan jumys jáne basym mindetter týraly baıandaýdy josparlap otyr dep habarlaıdy almaty-akshamy.kz
Kezdesý 19 qarasha kúni saǵat 17.00-ge josparlanǵan. Shara «Qoǵam men memlekettiń ornyqty damýy jolyndaǵy seriktestiktiń 30 jyly» taqyrybyna arnalǵan Qazaqstannyń H Azamattyq forýmy aıasynda ótedi.
Beıindik ÚEU ókilderi joǵaryda kórsetilgen kezdesýge qatysý úshin tirkeýden ótýi qajet. Ol úshin óz derekterińizdi (tolyq aty-jóni, ÚEU ataýy, uıaly telefon, WhatsApp nómiri) aǵymdaǵy jyldyń 18 qarashasyna deıin kelesi meken-jaıdaǵy elektrondyq poshtaǵa jiberý kerek: n.zhansarinova@enbek.gov.kz.
Tirkeýden ótkender sharaǵa qatysý úshin ZOOM-ǵa silteme alady.