Jalǵa beriletin úıge ótinish qabyldaý bastaldy

Ótinishterdi 15 qarashadan bastap 20 qarashaǵa deıin tapsyrý kerek.

Bul týraly qala ákimi Baqytjan Saǵyntaev «Almaty» telearnasynyń Akimat live baǵdarlamasynda aıtty, dep habarlaıdy Almaty-akshamy.kz

Ótinimder www.almaty-jastary.info.saıtynda qabyldanady.

Baǵdarlamaǵa qatysýshylarǵa qoıylatyn negizgi talaptar:

         Jasy – 29 jasqa deıin;

         Almatyda sońǵy eki jyldan kem emes turaqty tirkelýi;

         Sońǵy eki jyl ishinde Qazaqstan aýmaǵynda turǵyn úıiniń bolmaýy;

         Sońǵy 6 aıda úmitkerlerdiń aı saıynǵy jalaqysy 40 AEK-ten joǵary bolýy tıis – 116 680 teńge.

Beriletin páterler Naýryzbaı aýdanyndaǵy «Alma Sıtı-5» jańa TK jáne Alataý aýdanyndaǵy «Mádenıet» TK ornalasqan. Jalpy sany – 1 050 bir bólmeli páter. Jalǵa berý merzimi – uzartý quqyǵynsyz 5 jyl.

Qandaı qujattar tapsyrý kerek:

1. Erejedegi qosymshaǵa sáıkes forma boıynsha ótinish (ótinimdi toltyrǵan soń ózi qurylady);


2. Berýshiniń jáne erli-zaıyptylardyń (bar bolsa) jeke basyn kýálandyratyn skanerlengen qujat;


3. Bilim týraly skanerlengen qujaty (dıplom, sertıfıkattar);


4. Neke qıý týraly skanerlengen kýálik (bar bolsa);


5. Balalardyń skanerlengen týý týraly kýáligi (bar bolsa);


6. Qazaqstan Respýblıkasy boıynsha ótinish berýshige jáne otbasynyń barlyq múshelerine jyljymaıtyn múliktiń joq (bar) ekendigi týraly anyqtama;


7. Jumys ornynan skanerlengen anyqtama, sondaı-aq, jeke kásipkerlik júrgizgen jaǵdaıda jeke kásipkerliktiń tirkelýi týraly kýálik;


8. Ótinish berýshiniń aı saıynǵy tabysyn keminde 40 (qyryq) aılyq eseptik kórsetkish mólsherinde rastaıtyn sońǵy alty aı ishindegi tabysy týraly skanerlengen anyqtamasy;


9. Qazaqstan Respýblıkasy Eńbek kodeksiniń 35-babyna sáıkes eńbek ótilin rastaıtyn skanerlengen qujattary (búdjettik uıymda ótildi rastaý úshin eńbek kitapshanyń skanerlengen betterin nemese ótildi rastatyn anyqtamany júkteý kerek bolady);


10. Ekinshi deńgeıli bankterdiń jınaq shottaryndaǵy (depozıtterindegi) jınaqtardyń bolýy jáne nómiri týraly anyqtama jáne banktik shot boıynsha aqshanyń qaldyǵy jáne qozǵalysy týraly skanerlengen úzindi;


11. Ótinish berýshiniń túrli qyzmet salalaryndaǵy jeke jetistikterin rastaıtyn skanerlengen qujattary (kásibı saladaǵy jetistikter eskerilýi qajet. Mysaly, dıplomdar, marapattar jáne basshylyqtyń alǵys hattary).


12. Sońǵy 2 jyl aralyǵynda Almaty qalasy aımaǵynda tirkeý orny ózgengen jaǵdaıda, kóshi-qon organnan 2-jyldyq tirkeýdi rastaıtyn skanerlengen qujat júkteliný kerek (Polısıanyń kóshi-qon basqarmasy).