Sıfrlyq damý, ınovasıalar jáne aeroǵarysh ónerkásibi vıse-mınıstri Dmıtrıı Mýn Úkimet otyrysynda Qazaqstanda jerdiń spýtnıktik monıtorıńi júrgizilip jatqanyn atap ótti, dep habarlaıdy aqshamnews.kz.
Ol buryn jerdi utymdy paıdalanýdy tekserý qıyn bolǵanyn túsindirdi. Inspektorlar ózderi sol jerlerge baryp, bárin qolmen tekseretin. Barlyq jumys qaǵaz júzinde júrgizildi. Memlekettik bazalar arasynda baılanys bolmady. Búgingi tańda bul úderis sıfrlandyrýdyń arqasynda jeńildetilgen.
«Jer ınspektory» júıesi iske qosyldy, onyń sheńberinde kelesideı sharalar qabyldandy:
Spýtnıktik monıtorıń engizildi - qazir eldiń barlyq aýmaǵy baqylaýda.
Jer ıeleri SMS jáne jeke kabınetter arqyly avtomatty túrde habarlama alady.
Barlyq memlekettik organdarǵa qoljetimdi biryńǵaı derekter bazasy quryldy.
«Qazir 116 mln ga aýyl sharýashylyǵy jerleriniń monıtorıńi júrgizilýde. 2022 jyldan bastap jerdi tıimsiz paıdalaný saldarynan 12 mln ga jer memleket menshigine qaıtaryldy. 2025 jyly taǵy 2 mln gektar jerdi qaıtarý josparlanýda. Jergilikti turǵyndar úshin 5 mln ga aýyl sharýashylyǵy jerleri qaıta bólindi»,
— dedi Dmıtrıı Mýn.