Bul - Reseıdiń tikeleı ınvestısıalar qorynyń basshysy Kırıll Dmıtrıevtiń málimdemesi.
Reseıdiń tikeleı ınvestısıalar qory «Spýtnık V» preparatynyń "omıkron" shtamynan qorǵaý áserin zertteý derekterin usynýǵa daıyn, dep habarlaıdy Almaty-akshamy.kz İnterfax.ru saıtyna silteme jasap.
RTIQ basshysy Kırıll Dmıtrıev reseılik vaksına "omıkronnyń" aýyr aǵymynan basqalarǵa qaraǵanda jaqsy qorǵaıtynyn aıtty.
Onyń aıtýynsha, kelesi aptada «Spýtnık» preparatynyń aýrýhanaǵa jatyp qalýdan jáne ólim-jitimnen saqtaıtyn múmkindikteri týraly egjeı-tegjeıli aqparat usynylady.
Jaqynda Gamaleıa atyndaǵy ortalyq dırektory Aleksandr Gınsbýrg «Spýtnık V»-men covid-19 koronavırýsynyń «omıkron» shtamyna qarsy vaksınasıanyń qanshalyqty tıimdi ekendigi týraly aıtqan bolatyn. Ol klınıkalyq málimetter vaksınanyń quramyn ózgertýdiń qajeti joq ekendiginiń naqty dáleli bolady dep málimdedi. Gınsbýrg tek «Spýtnık Laıtpen» revaksınalaýdan ótý jetkilikti degen bolatyn.
RTIQ jáne Gamaleıa atyndaǵy ortalyq ǵalymdary zerthanalyq zertteýlerdiń derekteri «Spýtnık» ekpesin saldyrý jańa shtamǵa joǵary beıtaraptandyrǵysh qabilet qalyptastyratynyn dáleldep kórsetti. Revaksınalaýdan keıingi tıimdilik 80% jetýi múmkin.