Almatyda ata-analarmen jáne muǵalimdermen keri baılanys ornatý úshin bilim basqarmasynda, aýdandyq bilim bólimderinde jáne árbir bilim berý uıymdarynda birneshe call-ortalyqtary iske qosylady. Onda suraqtarǵa jaýap nemese keńes alýǵa bolady. Bul týraly qalalyq bilim basqarmasynyń basshysy Lázzat Jylqybaeva aıtty, dep habarlaıdy Almaty-akshamy.kz
Onyń aıtýynsha, Sall-ortalyqtarynyń telefon nomerleri bilim basqarmasynyń, aýdandyq bilim bólimderiniń jáne barlyq bilim berý uıymdarynyń resmı saıttarynda, áleýmettik jelilerde ornalastyrylady.
«Búgingi múmkindikti paıdalana otyryp, biz barlyq ata-analar men bilim berý uıymdarynyń qyzmetkerlerine qaýipsizdik sharalaryn jáne sanıtarlyq talaptardy qatań saqtaýǵa shaqyramyz», - dep atap ótti Lázzat Jylqybaeva.