Antıkor sporttyq ataqtardy negizsiz berý deregi boıynsha qylmystyq is qozǵady, dep habarlaıdy almaty-akshamy.kz Sybaılas jemqorlyqqa qarsy is-qımyl agenttigine silteme jasap
Áleýmettik jelilerdi monıtorıńteý barysynda qazaqstandyq aralas jekpe-jek sportshysy A. Áshimovtiń sportqa qatysy joq adamdarǵa «QR eńbek sińirgen jattyqtyrýshysy» jáne «QR halyqaralyq dárejedegi sport sheberi» sporttyq ataqtaryn negizsiz berý týraly vıdeosy zerdelendi. Antıkor bul derek boıynsha sotqa deıingi tergeýdi bastady.
Agenttiktiń usynysy boıynsha sportqa qatysy joq adamdar ataǵynan aıyryldy.
Jemqorlyq táýekelderin syrtqy taldaý qorytyndysy boıynsha agenttik Týrızm jáne sport mınıstrliginiń atyna jemqorlyq táýekelderin joıý boıynsha usynystar engizdi.
Tergeý jalǵasyp jatyr.
Qylmystyq-prosestik kodekstiń 201-babyna sáıkes, ózge aqparat jarıalanbaıdy.