4 maýsym – Memlekettik rámizder kúnine oraı Almatyda «Batyr» Prezıdenttik polkiniń áskerıleri saltanatty túrde tý kóterip, ánuran jappaı shyrqaldy, dep habarlaıdy almaty-akshamy.kz
Patrıottyq is-shara «Medeý bıik taýly sport kesheninde ótti. Saltanatty is-sharaǵa Almaty ákimi Erbolat Dosaev, mádenıet jáne sport qaıratkerleri, qoǵam, QHA jáne jastar uıymdarynyń ókilderi qatysty. İs-sharaǵa barlyǵy myńnan astam adam qatysty.
Qala aýdandarynda da merekelik is-sharalar men ánuran saltanatty túrde oryndaldy. Almaty turǵyndary saıabaqtarda, mektepterde jáne basqa da qoǵamdyq oryndarda elimizdiń ánuranyn oryndady.
Merekelik is-sharalar «Alataý» dástúrli óner teatrynda merekelik konsert jáne Jambyl atyndaǵy Qazaq memlekettik fılarmonıasynda Tilendıev atyndaǵy «Otyrar sazy» akademıalyq fólklorlyq-etnografıalyq orkestriniń «Meniń elim» patrıottyq konsertimen aıaqtalady.