Elimizde endi qaýipti aýrýdy erte anyqtaǵany úshin dárigerler syıaqy alady.
Bul Gıppokrat antyn qabyldaǵan aq halattylardyń tikeleı mindeti emes pe?
18 460 teńge qaterli isik pen týberkýlez aýrýlaryn erte anyqtaǵan ýchaskelik dárigerlerge tólenedi. Tólem baldyq jáne bonýstyq júıede júzege asyrylady. Olar ár aýrý belgisin anyqtaǵan jaǵdaıda 5 AEK bonýs alady. Anyqtalǵan aýrýlar sany júz upaıǵa jetse, árqaısysyna 16 000 teńgeden eseptelinedi. Qarajat toqsan saıyn jalaqymen birge beriledi.
“Syıaqy tek aımaqtyq, medısınalyq sanıtarıalyq alǵashqy kómek qyzmetkerlerine, sonyń ishinde aımaqtardaǵy dáriger, akýsherlerge beriledi”, – dedi densaýlyq saqtaý mınıstrligi medısınalyq kómekti uıymdastyrý departamentiniń basqarma basshysy Ásel Qydyrálıeva.