Qazaqstandyq sportshylar barlyq qala turǵynyn «Almaty – bizdiń ortaq úıimiz» naýqanyna atsalysýǵa shaqyrdy, dep habarlaıdy almaty-akshamy.kz
«Almatyda «Almaty – bizdiń ortaq úıimiz» aýqany bastaldy. Bir aı boıy qalany kórkeıtý jumystary uıymdastyrylady. Biz qala tazalyǵyn qoldaımyz, sportshylar sportta ǵana emes, óz qalasyna degen úlken súıispenshilik kórsetý arqyly da úlgi bolamyz. Álemimizdi taza ustaıyq», - dep shahmattan jasóspirimder arasyndaǵy álem chempıony Ksenıa Balabaeva qala turǵyndaryn naýqanǵa qatysýǵa úndedi.
Olımpıada chempıony Olga Shıshıgına almatylyqtarǵa óziniń aýlasy men qorshaǵan ortaǵa mán berýdi aıtyp, bastamany qoldady.
«Almatynyń ózge turǵyndary sıaqty men de qalamdy óte jaqsy kóremin. Ásem qalamyzdy kórkeıtý jolynda mahabbatymyzdy aıamaıyq, tazalyqty óz aýlamyzdan bastaıyq», - dedi Olga Shıshıgına beınejazbada.
At sporty boıynsha halyqaralyq dárejedegi sport sheberi Nurıla Turysbekova halyqty qalada tazalyqty saqtaýǵa shaqyrdy.
Esterińizge sala keteıik, 8 sáýirde «Almaty – bizdiń ortaq úıimiz» naýqany bastaldy. Árbir turǵyn qalany damytý men kórkeıtýge úles qosa alady.
Tolyq aqparat almaty.kz saıty men Almaty ákimdiginiń áleýmettik jelilerindegi paraqshalarynda jarıalanady. Sondaı-aq, qaladaǵy banner, plakat jáne afıshalardaǵy arnaıy QR-kod arqyly veb-saıtqa kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.
https://www.instagram.com/reel/C5m5Un0tQ7R/?igsh=MTQ3MGoyd3ZqbmQ2aA%3D%3D
https://www.instagram.com/reel/C5nOhDKiwux/?igsh=MXQ4cGs0NGsxaGxkOQ%3D%3D
https://www.instagram.com/reel/C5niqleCQUE/?igsh=OG9hNzBiNHNjYjBs