«Almaty - bizdiń ortaq úıimiz» naýqany aıasynda 28 gvardıashy-panfılovshylar atyndaǵy saıabaqta stýdenttik fleshmob ótti, dep habarlaıdy almaty-akshamy.kz
300-ge jýyq stýdent Máńgilik alaý aldyndaǵy alańǵa shyǵyp, osy bastamany júzege asyrýdyń mańyzyn atady. Mundaı is-sharalardy ótkizý adamdardyń qorshaǵan ortaǵa degen qamqorlyǵyn arttyrady, tabıǵatqa aıalaýǵa shaqyrady.
Fleshmob sońynda stýdentter saıabaq aýmaǵyn qoqystan tazartty.
Esterińizge sala keteıik, 8 sáýirde «Almaty – bizdiń ortaq úıimiz» naýqany bastaldy. Árbir turǵyn qalany damytý men kórkeıtýge úles qosa alady.
Tolyq aqparat almaty.kz saıty men Almaty ákimdiginiń áleýmettik jelilerindegi paraqshalarynda jarıalanady. Sondaı-aq, qaladaǵy banner, plakat jáne afıshalardaǵy arnaıy QR-kod arqyly veb-saıtqa kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.