Almaty qalasy QAJ departamentine qarasty №11 mekemesinde jazasyn ótep jatqan jasóspirimder de el qatarly bilim alyp, UBT tapsyrady.
Jalpy bilim beretin mektepterdi bitirýshi sottalǵandar arasynda Ulttyq biryńǵaı testileýdi tapsyrýdyń tártibi men joldaryn túsindirý maqsatynda, Almaty qalasy boıynsha Adam quqyqtary jónindegi ýákildiń ókili Q.Maldybaev balalar kolonıasynda boldy.
Jazaly jasóspirimder arasynda saýalnama júrgizdi. Osylaı jyl saıyn onlaın formatta joǵary bilim alý quqyǵy týraly aqparattandyrý jumystary júrgizilip turady. 2022-2023 oqý jyly jalpy bilim beretin №3 mekteptti bitirgen №11 mekemeniń 11-synyp oqýshysy tuńǵysh ret UBT tapsyrdy.
Búgingi kúni №11 mekemede bas bostandyǵynan aıyrylyǵan 67 bala tárbıelenip jatsa, sonyń ishinde mektepte 59 bala orta bilim alýda. 37-si – qazaq bóliminde, 22-si – orys bóliminde. Eger olar UBT tapsyryp, shekti bal jınasa, joǵary bilim alýǵa jol ashyq ekeni túsindirildi.