Májilis depýtattary sot reformasyn júzege asyrý máselelerin talqylady
Májilistiń Zańnama jáne sot-quqyqtyq reforma komıteti sot júıesin reformalaýdyń ózekti máselelerin talqylaýǵa arnalǵan dóńgelek ústel ótkizdi. Kóshpeli otyrys Joǵarǵy Sot jáne Sot ákimshiligimen birlesip uıymdastyryldy, dep habarlaıdy aqshamnews.kz
Otyrysty ashqan komıtet tóraıymy Snejanna Imasheva búginde zań men tártiptiń ústemdigi Memleket basshysynyń reformalar baǵdarynyń basty qaǵıdasy ekenin atap ótti. Ol el azamattary tarapynan tolyq qoldaý tapqan. Depýtat júrgizilip jatqan sot reformasynyń azamattar úshin mańyzdylyǵy men zańǵa tolyq sáıkes beıtarap, ádil sot tóreligin qamtamasyz etý týraly egjeı-tegjeıli aıtyp berdi.
Joǵarǵy Sot tóraǵasy Aslambek Merǵalıev óz sózinde elordada úsh kasasıalyq sot qurý jobasy jedel júzege asyrylǵanyn, ákimshilik ister boıynsha eksaýmaqtyq sottylyqtyń iske qosylǵanyn qamaýǵa alýǵa balama retinde tatýlastyrý rásimderi men elektrondy baqylaý quraldaryn qoldanýdyń artqanyn aıtty.
Talqylaý barysynda sot isin júrgizýdiń ózekti máseleleri qozǵalyp, sot júıesin odan ári jetildirý boıynsha usynystar aıtyldy.
Sonymen qatar dóńgelek ústel aıasynda Joǵarǵy Sottyń ahýaldyq ortalyǵynyń jumysy jáne ınovasıalyq sıfrlyq sheshimder tanystyryldy.