Almaty qalasynda kórnekti memleket jáne qoǵam qaıratkeri, medısına ǵylymdarynyń kandıdaty, profesor, elimizdegi akýsherlik-gınekologıa salasynyń negizin qalaýshylardyń biri Jalǵaý Shákiruly Isalıevke arnalǵan memorıaldyq taqtanyń ashylý saltanaty ótti. Bul týraly Aqshamnews.kz saıty habarlaıdy.
Memorıaldyq taqta ol kóp jyldar boıy eńbek etken Akýsherlik, gınekologıa jáne perınatologıa ǵylymı ortalyǵynyń qabyrǵasyna ornatyldy. Saltanatty shara ortalyqtyń 50 jyldyq mereıtoıyna oraı uıymdastyryldy.
Jalǵaý Isalıev – Qazaqstannyń densaýlyq saqtaý júıesin qalyptastyrýǵa eleýli úles qosqan iri tulǵa. Ol Qazaq akýsherlik jáne gınekologıa ǵylymı-zertteý ınstıtýtynyń alǵashqy dırektory, kóptegen býyn dárigerlerdiń ustazy bolǵan.
Saltanatty sharada sóz sóılegen Almaty qalasy ákiminiń orynbasary Ásem Núsipova Isalıevtiń medısınaǵa sińirgen eńbegin joǵary baǵalap, bul bastamanyń ǵylymı ortalyq ujymynyń usynysy ekenin erekshe atap ótti.
Almaly aýdany Qoǵamdyq keńesiniń tóraǵasy Bataı Qabylov pen QazUMÝ rektory Marat Shoranov ta Isalıevtiń kásibı jáne adamgershilik qasıetterin atap ótti.
Jalǵaý Shákirulynyń jubaıy, medısına ǵylymdarynyń kandıdaty Sara Rahmanqulqyzy barlyq qatysýshylarǵa alǵys bildirip, marqum jubaıynyń ómirlik ustanymy – "adam – memlekettiń basty baılyǵy" ekenin eske saldy.