Almaty qalasynyń qala qurylysyn baqylaý basqarmasynyń aqparaty boıynsha, Býrýndaıskaıa kóshesi, 91/10 boıynsha ózine-ózi qyzmet kórsetý avtojýý ornyn sot zańsyz dep tanyǵan, dep habarlaıdy aqshamnews.kz
Buǵan deıin ýchaskeni jalǵa alýshy (jeke tulǵa) jol berilgen buzýshylyqtardy joıýǵa nusqama bere otyryp, ákimshilik jaýapkershilikke tartylǵan bolatyn.
Keıinirek basqarma zańsyz turǵyzylǵan nysandy buzýǵa talap aryz berdi. Almaty qalasy SMES-tiń 2023 jylǵy 22 jeltoqsandaǵy sheshimimen obekt óz betinshe salynǵan dep tanyldy jáne buzý týraly talap-aryzdar qanaǵattandyryldy.
Almaty qalalyq sotynyń aǵymdaǵy jylǵy 1 sáýirdegi qaýlysymen birinshi satydaǵy sheshim ózgerissiz qaldy.
Nysandy buzýdy jalǵa alýshy búgin Ádilet departamentiniń sot oryndaýshylarynyń kómegimen óz betinshe bastady.
Eske salsaq, Almaty ákimi Erbolat Dosaevtyń zańsyz qurylysqa baqylaýdy kúsheıtý jónindegi tapsyrmasy aıasynda ótken jyldyń basynan beri 47 zańsyz nysan, onyń ishinde «Mechta», «Khan», «Alma Garden» turǵyn úı keshenderi jáne basqalary tolyǵymen nemese ishinara buzylǵan.