Álimjettikten tek áskerdegi sarbazdar ǵana emes, qarapaıym mektep oqýshylary da zardap shegedi.
Sýrette 2 qyrkúıekte joǵary synyp oqýshylarynyń qolynan qaza tapqan Sydyq Nurjan beınelengen. Onyń ápkesiniń aıtýynsha, Kopın orta mektebinde jyldar boıy bul "joǵary synyp oqýshylarynyń álimjettigi" jalǵasyp keledi, dep habarlaıdy aqshamnews.kz.
Sol kúni 10-11 synyp oqýshylary Nurjan men onyń synyptastaryn (9 synyp oqýshylaryn) tastandy monshaǵa aparyp (múmkin, olardyń "jekpe-jek alańy" sonda bolǵan) qatty uryp-soqqan. Ókinishke oraı, Nurjanǵa tıgen soqqylar ólimge ákeldi. Barlyǵy oqıǵa ornynan ketip, balany ólim aýzynda qaldyryp, onyń otbasyna habarlamaǵan.
Nurjandy kóshedegi bir adam óli kúıinde taýyp aldy. Onyń murny men qulaǵynan kóp qan ketken, ómirlik mańyzdy múshelerine aýyr soqqylar jasalǵan.
Nurjannyń otbasy kináliler jazadan qutylyp kete me dep qorqady, sebebi olardyń arasynda bolǵandar mektep ákimshiliginiń balalary bolyp tabylady jáne quqyq qorǵaý organdarynda baılanystary bolýy múmkin.Nurjannyń ápkesi kýágermen hat almasýdyń skrınshottarymen bólisti.
